मकवानपुर । पुर्वराज ज्ञानेन्द्र शाह झापाबाट काठमाडौंमा आउने भएपछि आज जिल्ला प्रशासन कार्यालय काठमाडौं विमानस्थलमा निषेधाज्ञा जारी गरेको छ।
झापा बसाईपछि उनी आज काठमाडौं आउन लाग्दा समर्थकहरुले भिडभाड तथा जुलुस गर्न सक्ने भन्दै प्रशासनले निषेधाज्ञा जारी गरेको हो।
अतिसंवेदनशील मानिने त्रिभुवन अन्तरराष्ट्रिय विमानस्थल क्षेत्रमा जुलुस, प्रदर्शन, हड्ताल तथा भेलाजस्ता कार्यक्रम गर्न नपाइने जानकारी गराउँदै यस्ता गतिविधि भए कारबाही गर्ने प्रमुख जिल्ला अधिकारी ईश्वरराज पौडेलले स्पष्ट पारे।
उनले एक सार्वजनिक सूचना जारी गरी निर्वाचन आचारसंहिता लागू भइसकेको हालको अवस्थामा यस्ता प्रकृतिका कार्यक्रम गर्न बन्देज रहेको उल्लेख गरेका छन्।
पुर्वराजा शाह दिउँसो १२ बजेर ४० मिनेटमा बुद्ध एयरको बमानबाट काठमाडौं आउने कार्यक्रम छ। निषेधित र संवेदनशील क्षेत्रमा कानुनविपरीतका कार्यहरूमा संलग्न हुने जोसुकैलाई प्रचलित कानुनबमोजिम कारबाही हुने प्रशासनले जानकारी गराएको छ।
राप्रपाका नेता उद्धवराज भेटुवालले विमानस्थलभित्र निषेधाज्ञा जारी भएपनि आफुहरुले विमानस्थल बाहिरबाट पुर्वराजालाई स्वागत गरेर निर्मल निवास पु¥याइने र शान्ति सुरक्षामा खलल पुग्ने कार्यक्रम नरहेको जानकारी दिए।
