मकवानपुर । पूर्व पश्चिम सडक खण्डअन्तर्गत मकवानपुरको मनहरी-७ शिविरमा ट्रक दुर्घटना हुँदा दुईजना घाइते भएका छन् ।
घाईते हुनेमा पर्सा वीरगञ्ज महानगरपालिका–३१ बस्ने २७ वर्षीय सन्दिप चौधरी र सहचालक सोही स्थानका २० वर्षीय विशाल चौधरी रहेका छन ।
दुबैजनालाई उपचारका लागि पुरानो मेडिकल कलेज भरतपुर चितवन पठाइएको छ । शुक्रबार बिहान हेटौंडाबाट चितवन तर्फ लोड गरेको चामल लिइ जाँदै गरेको ना ६ ख ६५७४ नं. को ट्रक ब्रेकफेल भई रोड बाट बायाँ साईडमा पल्टेको थियो ।
दुर्घटना स्थलमा इलाका प्रहरी कार्यालय मनहरीका प्रहरी सहायक निरीक्षक बिसुनदेब महत्तोको कमाण्डमा ट्राफिकसहितको ५ जनाको टोली पुगेको थियो ।
दुर्घटनाग्रस्त ट्रक घटनास्थलमा नै रहेको छ भने बाटो अवरोध नरहेको प्रहरीले जनाएको छ ।
प्रतिकृया दिनुहोस्
